今早送姑姐到機場…第一次搭BART去SDO AIRPORT… 其實周圍望下景觀確係唔錯… 去到閘口前面…忽然間好似係我準備上機返香港個個FEEL… 忽然間好掛住係香港朝早六點幾落機…新既一日係香港開始既感覺… 係北色角地鐵站…燈色既板令我知道行多幾分鐘我就可以返到屋企… 呢幾日全屋就得返我同阿妹…仲要無埋SUNLIGHT SAVING… 六點幾就天黑…真係好鬼易憂鬱 香港幾時都唔會停…望出去實見到人…而家…都唔知去邊度搵個人黎睇下… 加上前路茫茫…自己又頹過碌蔗… 專業人士直接了當…兩年光陰似係無目的咁流走左… 佢講得岩…我仲未知自己想點 我話就話知自己想點行…其實應該話我知我要向前行…係咁多…其它乜都唔知… 而家呢個月又PERSONAL STATEMENT…又RESEARCH PAPER…仲頹乜鬼呀…夠哂忙啦都 其實分分鐘就係唔夠時間用…唔明點解仲係無動力去開始 而家…好想上賽西射下波，坐下…再唔係同一兩個朋友吹下水…差下電再睇下自己想點… 不過無啦…乜都要靠自己架啦…無時間你休息下再睇想點架啦…一路行一路睇啦… 太多野令我覺得我再點努力都係無用…太多完美既例子令我覺得自己缺陷太多… 我唔想再頹…但唔頹又可以點呢… 夜晚憂鬱既我…思路係完全地亂… 真係好想即刻訓上床等起身聽朝日出 我又同緊自己講聽日會努力啦… 點算…已經講到連自己都知自己講緊大話 想大把大把咁打下自己…不過打完我咪又係一樣…究竟可以點？ 當一個人可以唔了解自己到呢一個地步…PERSONAL STATEMENT又可以點PERSONAL呢 應該寫我覺得我自己係點？我想我自己隹係點？我覺得我係人地眼中既我係點？定寫… I KNOW AS MUCH AS YOU KNOW ME....NOTHING MORE, NOTHING LESS.... SO, YOU TELL ME...WHO AM I. | 
